Du befindest dich in der Kategorie: Butterfly Kitten Tageb.

Dienstag, 19. Januar 2010

Ein Gedicht für Flya

Von virtuellekatzenhaus1, 22:43

Flya du min armä Tropf…

Liebi Flya…Wo ich dich im Internet han gseh isch es sofort um mich gscheh.

Dini liebä Augä dini ruhigi Art. Ich het dir gärn vill früenär dis Leid erspart.

Als Zuchttier missbrucht, mit zvillnä Chatze uf engstäm Ruum, so häsch du gläbt mä glaubt das chum.

Site em Mai häsch es du dän schöner gha, und s’letschtä mal na 4 Jungtier is Läbä lah.

I dänä läbsch du wieter, au wänn mer’s nöd chan verstah, warum du nur eso es churzes Läbä häsch därfä ha.

Vom August  bis im Dezember bisch du mis Büsi gsi, mir no stärcher is Härz gwachsä und mit dim samftä Wesä und dinärä neugier uf neui Sachä, han ich öppädiä chönä herzhafft Lachä.

Em Kimba dim Sohnemann bisch e geduldigs Mami gsi au wänn das sicher au nöd immer so eifacht isch gsi.

En Chranked hät plötzlich zuegschlagä und hät dim Körper di ganz Ennergie gnah und ich han dich am 22. Dezember müssä schwäräm Härzä über d’Rägäbogä Brugg gah lah.

Tränä laufed mir grad wider abä wäräd dem ich das schrieb.

Es schmerzt diä Erinnerig a dä Tag wiä 1000 Peitschä hiib.

Niä wird ich dich vergässä, immer wirsch du bi mir si. Wirsch mis läbä lang mis wunderschönä und liebä Büsi si. Es Büsi wos verdient het als Büsi ghalltä wärdä. Mit abentür und liebi uf därä Erdä.

Ich hoff du häschs bi mir, wänn au nu churz, gnossä und häsch gmärkt das nöd vo jedäm Mänsch entoschä wordä bisch.

Eifacht öppis gaht mir nöd in Chopf…

FLYA…WARUM DU?? DU  MIN ARMÄ TROPF!!!!!!

Liebe Priska

vielen dank für diese Gedanken an Flya, glaub uns auch wir können es nicht verstehen das Flya nur so kurz bei Dir sein durfte. Sie war eine lange Zeit bei mir im Pflegeplatz und ist mir stark ans Herz gewachsen, sie hätte was anderes verdient.

Wir möchten uns bei Dir von Herzen bedanken, das die Flya in der viel zu kurzen Zeit die sei bei Dir sein durfte, es so schön gehabt hat, davon konnte ich mich ja selbst überzeugen.
Glaub mir, auch wenn es kein grosser Trost ist, aber ich bin sicher das Flya Deine Liebe mit ins Regenbogenland genommen hat.

Sie wird auch in unserern Herzen immer einen speziellen Platz haben.

Alexandra und das ganze Katzenhaus-Freunde Team

 


 

[Kommentare (2) | Kommentar erstellen | Permalink]


Kostenloses Blog bei Beeplog.de

Die auf Weblogs sichtbaren Daten und Inhalte stammen von
Privatpersonen. Beepworld ist hierfür nicht verantwortlich.