Katzen Tagebücher 2009

News von Cookie

Diesmal in Schweizerdeutsch :

Unsere Krümel isch jetzt scho bereits 3 1/2 Wuuche bi eus. Und sie het sich rächt guet igläbt. Sie isch e sehr ufgweckti und frächi chleini Chatz. Nüt isch vor ihre sicher, alles muess agnaget oder agriffe wärde. Aber zwüschedure tuet sie denn au sehr gärn schmüsele, denn kuschlet sie sich in Arm ihne und schnurrlet wie en Wältmeister und gliichzitig nuggelet si an ihrem Schwanz ume.
 
Mit de drei Grosse gohts au immer besser. Mit em Häxli het sie sich bereits agfründet und sie verastalte zwüschedurre Fründschaftskämpf aber meistens git sHäxli forfait, sKrümel het dört definitiv die grösseri Usduur. Mit em Tigi het sie nonig gross Fründschaft gschlosse, aber zumindest muess sie kei Fuuche und Nasestüber meh kassiere. Zwüschedure wird sogar mol e chli Gnäselet zäme. Jo und unsere Flocke, unsers Sensibeli, die isch immer no sehr skeptisch, de chlei Fratz isch ihre halt eifach e chli zwild, aber de Krümel akzeptiert das eigentlich au guet und macht (meistens) en Boge um sie.
 
Sie isch eifach en Goldschatz und me cha ihre eifach nid bös si, wenn sie wieder öppis agstellt het. Ihre Unschuldsblick hets sie unglaublich guet druf.
Momentan schliicht sie grad uf em Bürotisch ume und hinderet mich dra am schriibe und nagt alles a (au mini Finger) und da numme, will sie dUfmerksamkeit gärn hätti.
 
Ich gang immer no regelmässig uf sTagebuech vo dr Missy go luege. I drucke euch Düme, dass ihr bald für de Brüeder und für sMami es tolls Plätzli findet.
 
Ganz liebe Grüess
 
Moni und Krümel(monster) *lol*